Nos meus traballos non adoito bosquexar -a penas unhas liñas de encaixe- nin facer moitos estudos preparatorios. Pero o que si fago de xeito compulsivo son infinidade de debuxos inutis, sen finalidade algunha. En manteis de papel de restaurantes, en sobres usados, en caderniños, no papel de carta dos hoteis, na parte de atrás de informes, nos programas de concertos, no recibo do imposto de circulación do coche... Moitos os perdo ou, simplemente, os abandono.

Fixen para este libro unha escolma arbitraria. Aparecen agrupados -máis ou menos- por criterios vagamente temáticos. Incluín, cando os lembro, comentarios sobre o motivo ou o momento en que foron feitos. Todos teñen en común que son de primeira man. Sexan lápis ou tinta, non foron retocados nin existiu bosquexo previo.

Comprar