Non foron moitas as veces que tivemos problemas de "censura" nos catro anos que durou a produción. Eu recordo dúas referidas a personaxes e unha referida a armas. A 4ª imaxe desta galería corresponde á moza dun motero. Todo o grupo aparecía como personaxes incidentais nun dos primeiros capítulos. Pasei dous días pechando escote do bikini, alargando un pouco o pantalón, non tanto, un pouco menos, tampouco tan casto... Xa non sei se esta foi a versión que saíu na animación ou unha das intermedias.

De cando en vez -sei que non ten nada de orixinal- introducía como personaxes secundarios ou incidentais a membros do equipo. Na imaxe 11, a foto de vodas, o noivo é Frank Paur, un dos produtores executivos e director dalgún dos episodios. El dirixira episodios do Batman de Bruce Tim que tanto admiramos.

As dúas últimas imaxes foron "cameos" -espero que recoñecibles-.