Esta versión de Pedro e o lobo é o meu primeiro libro -e, ata o momento, o único- supostamente dirixido a un público infantil. Pero fíxeno desde a perspectiva dun adulto que evoca sensacións de infancia, e creo, sinceramente, que o resultado non é unha obra "puramente" infantil. Grazas ás sesións de firmas en festivales e salóns do libro comprendín que este Pedro e o lobo é parecido a un tren eléctrico: gústalles aos pais para compartilo cos fillos. Ben, non me desgusta nada que sexa así.
No seu momento, o final que Prokofief lle deu á historia foi moi avanzado, pois o lobo acababa nun zoológico, proposta moi progresista naquel entón. Crin que a finais do século XX, con novas sensibilidades e problemas en torno da Natureza e o ecosistema, poderíase "actualizar" a mensaxe, e permitinme alterar o final.
