Tiven a sorte de colaborar co Aquarium Finisterrae desde o arranque do proxecto. Realizo as imaxes de identificación para o público de cada especie que chega ao Aquarium e creei a Escacho, a súa mascota.
Gozo moitísimo cada vez que me chaman para comunicarme que hai un novo inquilino ao que teño que facerlle "a ficha". É un traballo que non ten nada que ver co resto das cousas que fago, pero que resulta sempre interesante e divertido. E permíteme volver durante uns días ás profundidades...
