Nani García, autor da banda sonora sinfónica de "De profundis" e gran amigo, propúxome hai tempo preparar con el a ópera buffa "O Loro de Carlos V". O proxecto tardou en cristalizar e chegou a pasar por diferentes opcións de posta en escena. No 2019 as pezas remataron de encaixar e o proxecto arrancou. Ocupeime do seseño das personaxes (vestiario e caracterización) e da escenografía, que decidimos realizar case na súa totalidade por proxección. A experiencia foi magnífica.
Os cantantes Helena Abad, Borja Quiza e Francisco Corujo encarnaron as 7 personaxes da historia. María Peinado encargóuse da direción de escena. Diego García Rodríguez dirixiu a Orquestra Sinfónica de Galicia. Baltasar Patiño encargóuse da iluminación. Víctor Galdón foi o meu asistente na produción de vídeo. O propio Nani García e Mª Inés Cuadrado escribiron o libreto a partires do texto de Michel De Ghelderode.
