En 2004 os Correos españois propuxéronme facer unha tiraxe de selos con imaxes de "Trazo de tiza". A emisión constou de 16 selos, doce deles sen valor postal. A tiraxe foi dun millón de exemplares (¡a maior tiraxe de nada que leve feito ata o momento!) e, polo que me informaron, esgotouse en non moito tempo (nada meritorio, doutra banda, porque acontece con practicamente todas as emisións).
Pensei que empezaría a recibir moreas de cartas con aqueles selos... Só recibín dúas. É certo que a maioría da correspondencia que me chega é dos bancos, e eles non usan selos.
